അനേകം പേര്‍ക്ക് ആശ്വാസമായി മെഡിക്കല്‍ കോളേജിലെ പ്രമേഹ നിര്‍ണയ ക്യാമ്പ്

അനേകം പേര്‍ക്ക് ആശ്വാസമായി മെഡിക്കല്‍ കോളേജിലെ പ്രമേഹ നിര്‍ണയ ക്യാമ്പ്

Monday November 21, 2016,

1 min Read

ലോക പ്രമേഹ ദിനത്തോടനുബന്ധിച്ച് മെഡിക്കല്‍ കോളേജിലെ ന്യൂട്രീഷ്യന്‍ വിഭാഗവും മെഡിസിന്‍ വിഭാഗവും സംയുക്തമായി സംഘടിപ്പിച്ച പ്രമേഹ നിര്‍ണയ ക്യാമ്പ് അനേകം പേര്‍ക്ക് ആശ്വാസമായി. ഒ.പി. ബ്ലോക്കില്‍ സംഘടിപ്പിച്ച പരിപാടിയില്‍ നൂറോളം പേര്‍ പങ്കെടുത്തു. ഇതില്‍ 50 പേര്‍ പ്രമേഹ രോഗികളായിരുന്നു. ബാക്കി 50 പേരില്‍ 13 പേര്‍ക്ക് പ്രമേഹമുള്ളതായി കണ്ടെത്തി.

image


ഇവര്‍ക്ക് ജീവിത ശൈലിയില്‍ വരുത്തേണ്ട മാറ്റങ്ങള്‍, ആഹാര ക്രമീകരണങ്ങള്‍, ചിട്ടയായ വ്യായാമം എന്നിവ ഡോക്ടര്‍മാര്‍ നിര്‍ദേശിച്ചു കൊടുത്തു. ചിലര്‍ക്ക് ചികിത്സാ വിധിയും നിര്‍ദേശിച്ചു. ഇതോടൊപ്പം പ്രമേഹരോഗ ബോധവത്ക്കരണ ക്ലാസും ഡയറ്റ് ചാര്‍ട്ട്, കലോറി എക്‌സേഞ്ച് എന്നിവയെപ്പറ്റിയുള്ള പോസ്റ്റര്‍ പ്രദര്‍ശനവും സംഘടിപ്പിച്ചു.

മെഡിക്കല്‍ കോളേജ് മെഡിസിന്‍ വിഭാഗത്തിലെ അസോ. പ്രൊഫസറും ഡയബറ്റോളജിസ്റ്റുമായ ഡോ. ഹരികൃഷ്ണന്‍ ആര്‍., ന്യൂട്രീഷ്യന്‍ വിഭാഗത്തിലെ ചീഫ് ഡയറ്റീഷ്യന്‍ സുഹാന എന്നിവര്‍ ക്യാമ്പിന് നേതൃത്വം നല്‍കി. 

    Share on
    close